明天就放榜了，雖然已經經歷過好多屆同學的放榜，有開心亦有失望
但無論係成功定失敗的同學，最終都會搵到岩自己既路。
聽日我預計到會有2個情況，一當然係好開心同我講自己考得好好，多謝miss；另一種就係直接消失不見人，whatsapp已讀不回。
如果你係成功的同學，的確你的人生會因為今次的成功而【暫時】順利一點。
至於已讀不回的同學，呢一刻鍾你可能覺得好無助，自己好渺小，但其實世界很大，唔好將一次的失敗放到無限大…其實係你咁流流長的人生入面，18歳個年經歷的事只係佔你人生好少的部分…所以唔好太介懐，更加唔好否定自己。
活到現在這個年紀，我其實覺得世上好多事都係同自己競爭，你輸係輸比自己，唔係輸比人地。
希望聽日唔好咁多已讀不回既同學啦！XD
考得好唔好都好，話我知，我諗我夠老，應該夠經驗比意見你😂
考得好個啲，記得狗衝去英皇個網到登記領獎學金呀！
#放榜加油 #dse中史 #2016HKDSE #有我在 #不要否定自己
Search